在下於八月一日去左動漫節一遊，目的就是睇中川翔子。雖然要等到8點半先出黎，遲左成個鐘，不過都值得既，但是在下完全想唔到香港的的唱手可以唱完一首歌就俾全場「噓～～」可以想像香港樂壇既新血不如舊血。不吐不快，全文加上個人感想....（兩圖來自翔子ＢＬＯＧ）其他既相係在下既廢物手機影。

首先在下５點半先去到會場入面，都知道無什麼好行，只有迫，行一個圈就迫左成個鐘就去個舞台等睇中川啦，點知人已經好多，咁就係中後既位置睇表演啦。個時表演緊Heartbest Semi-Final，我個一刻只係想你地ＥＤ二打六快Ｄ唱完俾我睇哂中川翔子就走人，又迫又多人。



終於等到７點４５分先開始表演嘉賓出現，第一隊係　empty tomb （mt2) ，我真係唔知有Ｅ隊野係香港生存囉＞＿＜！有冇人聽過E隊mt2，我想佢地不久既將來就會消失係香港樂壇。原因係佢地唱歌個時我前面三條友仔係到連線打瑪寶賽車囉ＸＤ！



唱歌又唔知個主音唱咩，唱完兩首，就俾全場噓聲兩次，之後到自我介紹，仲話可以係facebook搵到佢地既資料，我心想「在場既一百個人有九十九個人都係睇翔子」。當大家以為mt2會落台個時，個主音就講「最後唱多一首歌俾大家聽...」全場都囧哂叫佢落台。3首歌用左差唔多廿分鐘...俾人噓到....





solar算表現得唔錯，最起碼都帶到氣分比人。不過佢地唱既第一首歌居然係除小鳳既「吹丫吹丫讓這風吹」我附近既人都O咀囉！solar唯一全場支持既係(咀香園..咀香園..)，其他歌都唱得唔錯。



點解話SOLER進退為難？係因為佢地係翔子既前面表現，佢地表現愈耐就俾人HER得愈勁其實佢地無錯，可憐九成人都係睇翔子。不過係翔子後面會仲慘，因為翔子一表現完Ｄ人就散水。如果SOLER打頭陣會好好多，點都好過個隊mt2　band。



八點半中川翔子先出場， 翔子上台個陣真係全場超high，突然成班人舉起哂Ｄ相機電話，我先令起電話影。相入面只係一小既部分既人。我附近Ｄ人仲係到尖叫，真係攞命。在場太多佢既fans。第一次聽日本歌手ＬＩＶＥ，個人覺得２５蚊低到爛。



雖然佢唱完一首歌佢都講「多謝哂」，「我好鐘意香港」。當佢唱完四首歌個時，全場既人都叫N CALL，都係覺得SOLER慘，最後唱多一首就完場。雖然得半個鍾，但氣量聲量還有令觀眾失去時間感，都是歌手實力的代表，仲好似聽演唱會咁，個個聽翔子唱完全部一齊離場。

最後送上中川翔子既ＬＩＶＥ表演

中川翔子 残酷な天使のテ一ゼ　@ Hong Kong Ani-Com 1st August,2009

 

中川翔子 - 空色デイズ @ Hong Kong Ani-Com 1st August,2009



中川翔子 - 心のアンテナ @ Hong Kong Ani-Com 1st August,2009

中川翔子 - 涙の種、笑顔の花 @ Hong Kong Ani-Com 1st August,2009